قصة حب اماراتية لا تفوتكم

قصة حب اماراتية لا تفوتكم

(((ميرة +منصور )))

عائلة بو سالم :

سلطان : ريال يخاف ربه وطيب ويحب عياله والاهم عنده راحته
حرمته فاطمة : طيوبة وتحب عيالها بس احيانا ماتعرف عنهم شي
سالم : عمره 25 ومتزوج بنت عمه نوف وعمرها 23 وعندهم ولد اسمه خالد عمره 3 سنين
محمد : ريال كشوخي وربشة لكنه عصبي وعمره 21 وخاطب بنت عمه ميثا وعمرها 19 راعية سوالف هع
ميرة : احلى وحدة بالعايلة فاكهتها على قولتهم عمرها 17 اخر سنة بالسكوول ربشة وحشرة ..الخ
بيضة وعيونها عسلية وشعرها كستنائي وطويييييييل وخشمها شرات السيف كل من يجوفها يعجب بجمالها
يعني هي ماشالله عليها كيووت بمعنى الكلمة وطبعها الخايس انها مغرورة شوي
عائلة بوعلي :
خلفان ( يستوي اخو بوسالم ) :ريال عنده شركة واخوانه يشتغلون وياه
حرمته عليا ( اخت فاطمة ) : اهم شي راحة عيالها عندها
علي : عمره 25 ربيع سالم الروح بالروح ويكره شي اسمه زواج عسب جي هو لحد الحينه هب معرس
وعقبه تيي ميثا : غاااوية واحيانا تستوي عنييدة وعنادها ماايي على محمد وتمووت عشي اسمه محمد
عبدالله : احلى واحد بالعايلة كشييخ وشعره طويل وعيونه سودة سواد الليل ونعاس يعني مايحتاي
اقولكم طرررررر بالمرة
اخر العنقود غلا : تاخذ كل صفات عبد الله بس الطبع لا هي بطراانة شوي وعمرها 14
عائلة بوسعيد :
راشد ( اخو بو سالم وبو علي ) : اصغر اخوااانه ومايحب يتدخل بعياله مخلنهن على كيفهن
حرمته مريم (اخت فاطمة وعليا ) : عااد هاي تتدخل بحياة عيالها واايد لكن لمصلحتهم
البجر عندهم نوف : تحب ريلها وولدها ومهتمة فيهم
سعيد : عمره 21 ربيع محمد وماخذ عنه كل الصفات خاصة العصبية وهو اكثر عنه عصبي لدرجة فظييعة
مهرة ومروة : توام وعمرهم 17 ربع ميرة واللي يجوفهم مع بعض يقول هي وياهم توام
شعرهن اسود وعيونهن سودة ووساع ويغارن من بعض بس مالهن غنى عن بعض
ومهرة حساسة ودلوعة ومروة طاستها مفترة شوي خخخ
احمد : عمره 14 ومايخصه بحد
عاثلة بو عيسى
حمد ( اخو فاطمة وعليا ومريم ) : يحب عياله ويشتغل ويا نسايبه بشركة بو علي
عاشة ( اخت بوسالم وبوعلي وبو سعيد ) : أحيانا مالها خص بعيالها واحيانا قريبة منهم
عيسى : ربيع عبدالله الروح بالروح وغااوي شراته يمووت على الترااب اللي تسير فيه مهرة
اسما : عمرها 14وهي بطراانة شرات غلا ودومها تضارب ويا عيسى

((البارت الاول ))

ميرة : نوف يالله ماخلصتي بعدج ترانا بنتاخر جي
نوف : اوووه اسمحيلي خلود اخرني ها خلصت يالله نسير
وصلو البيت ودشو ...بالصدفة عبدالله كان نازل من الدري وطارت عينه على ميرة والكل حس بنظراته فحب يغير الموضوع
عبدالله : اشحالكن بنات عميه
نوف : الحمدالله بخير ... عيل وين ميثا ؟؟
عبدالله : بحجرتها
مهرة : عيل يالله نحن نترخص
اما ميرة مانطقت بشي لانها مستحية من نظراته ويوم كانت صاعدة الدري كانت بتطيح بس الله ستر وهذا كله من عيون عبدالله عليها
عبدالله في خاطره : معقووولة هاي بنت عميه ياربي محلاها ,,,,
انا شو فيني خلني اسير عند الربع بدال من هالرمسة
صوب البنات
ميرة : واااو روعة فستانج ميثوووه يا حظ اخويه فيج
ميثا احمرت واستوى ويهها شرات الطماطة
وظلو يرمسون لين صلاة العشا وميرة تبا ترد بسرعة لان عليها امتحان .. اتصلوا بالدريول طلع مشغول ويا ابوها وبهالوقت سمعهم عبدالله ودخل
عبدالله : انا بوديكم
نوف : لا مايحتاي انا الحيينه بتصل بسالم
عبدالله : والله حلفت اني اوديكم
نوف : خلاص عيل
وركبوا السيارة
عبدالله : شو انا باكلكم والا الدريول مالكم وحدة تيي تركب جدام
نوف : سووري انا متزوجة وريلي يغار علي
مهرة : لامافيني انا متعقدة من يلسة جدام
نوف ومهرة يتطالعون ميرة
ميرة : يعني انا ايلس جدام
مهرة : ماشي حل غير هذا
يلست ميرة جدام وهي مبوزة
وصلو بيت مهرة ونوف نزلت وياها لانها مشتاقة لامها وميرة ظلت بروحها بالسيارة وهي صاخة طول الوقت وصادة صوب الدريشة
عبدالله : اقووول
ميرة : هلا
عبدالله : انا شويه بمر صوب الربع باخذ منهم شي وبيي مابتاخر
ميرة : انزييين على راحتك
ووقف عبدالله وميرة ظلت بالسيارة
صوب بيت بو سعيد
ام سعيد : تو مانور البيت بوجودج يا بنتي نوف
مروة : ليش يعني ونحن نورنا مايكفي
مهرة : اصلا نحن اساس البيت
نوف : حشى مايسوى هالكلمتين اللي قالتهن امي
مروة : عشان ماتقول مرة ثانية انج انتي نور البيت
ام سعيد : جيه مايبتي ولدج خلووود من متى ماجفته
نوف : ان شالله مرة ثانية
سيارة عبدالله
عبدالله وصل ميرة البيت وميرة سايرة صوب الباب
عبدالله : يمشي بخفة واعتدال ...فديييتج ياميرة شو هالزين والله لاخبر ابووويه يحجزج لي ... مستحيل اضيع هالجمال .. بس تخلص المدرسة سيدة اخطبها
مــــــــــــيرة انـتـــــــي لــــــــــــــــي انــــــــــا وبــــــــــــــس
بيت بو سالم
ميرة : السلام عليكم
الكل : وعليكم السلام والرحمة
محمد : ها شو كانت سيرتكم والا اقولج تعالي حجرتيه
وسارت وياااه
محمد : ها شو تجوفين ميثووه محلوة مخسفة والا شو ؟؟
ميرة : ميثوووه دومها حلوة
محمد : هيه ريحتيني اصلا من اول هي حلوة ..يعني هي ماقالت لج شي عني
ميرة : لا ... انزين مثل شو
محمد : ماشي ... شحال محمد ..هو بخير والا ..الخ
ميرة : لا مايابت طاريك خير شر
محمد في خاطره : خيييبة جاحدة هالبنت
ميرة : يلا انا سايرة حجرتيه تبى مني شي
محمد : لا اجلبي ويهج
ميرة : ماااااااااااالت ها يزاي سايرة عند حرمتك صدق خيرا تعمل ..شرا تلقى
سارت حجرتها فتحت لابها ودشت المسن .. جافت شخص غالي داش عندها
(((مزيونة بوظبي))) :
السلام عليكم
؟؟ راعي الكلوزر؟؟ :
وعليكم السلام والرحمة
؟؟ راعي الكلوزر؟؟ :
تو مانور مسني
(((مزيونة بوظبي ))) :
احم احم اخجلتني
؟؟ راعي الكلوزر؟؟ :
ويينج اليوم ماجفتج عقب المدرسة
((( مزيونة بوظبي ))) :
هههههه يمكن اتغلى عليك
؟؟ راعي الكلوزر؟؟ :
صدق ويينج
((( مزيونة بوظبي ))) :
خلنا من هالسالفة منصوور انته شحالك علومك
؟؟ راعي الكلوزر؟؟ :
بخييير يوم رمستج
بوصف لكم منصور شوي
منصور : عمره 19 ابيضاني وعيونه شوي نعاس طويل ماشالله عليه الصراحة هو غااوي
وعذااااب وخبال ..الخ ويطيح البنات تطييح وعنده كلوزر سودة ويموووت على شي اسمه ميرة وميرة بعد تموووت فيه ومتعودة اتجوفه كل يوم بعد المدرسة يووم ياخذ اخته
؟؟ راعي الكلوزر؟؟ :
ميرة حبيبتي اذا خطبتج بتوافقين
((( مزيونة بوظبي ))) :
منصووور هذا سؤال تدري اني احبك واموووت فيك شقايل ارفضك
؟؟ راعي الكلوزر؟؟ :
احم احم بس متى تخلصين المدرسة ؟؟؟

شو تتوقعون بيستوي بالبارت الياي وميرة ومنصور هل عبدالله بيكشفهم وميثا ومحمد شو بستوي لهم ؟؟؟

مشــــرفــهـ نقاط : 198 تاريخ التسجيل : 07/02/2010

القصــــــــهــ نايس ><

بليييييييييز كمليها ><

اترياج ><

ودمتي بود ><